‘Z belaunaldia’ txunditzen duen joera

Mendiko jaka teknikoek eta bestelako kanpaldirako elementuek Z belaunaldikoak liluratu dituzte jada –1990eko hamarkada amaieran eta 2000. urte hasieran jaiotakoak–. Tendentzia horrek xendazaletasuneko jantziak street style-ra atera ditu, eta haize freskoa eman dio, gainera, moda eta joeren alorrari. Gorpcore deritzo joera horri eta naturarekin, abenturarekin eta askatasunarekin lotura estua duen modazalearekin konektatzen du.

‘Gorpcore’

Gorpcore terminoak mendizaleek daramaten kakahuete eta mahaspasa onei egiten die erreferentzia (Good Ol’ Raisins and Peanuts). Baina gorpcore estetika ez da berria eta janzkera horren esentzia betidanik ezagutu dugu. Joera honek, gainera, emakumezkoak zein gizonezkoak modu bertsuan erakarri ditu.