Xehetasun txikien osotasuna

Batzuetan, naturan barrena goazenean, paisaia handiei erreparatzen diegu. Gora begiratzen dugu, mendi handiak edo urruneko paisaiak ikusteko zain. Baina batzuetan, gelditzea gustatzen zait eta inguruko xehetasunei begiratzea. Basoaren soinua, nire oin-hotsak, haizea eta adarren kirrinka entzutea. Zoragarria iruditzen zait zentzumen guztiekin paisaian barrena erne egotea. Xehetasun txikiek egiten dute multzo handi bat. Xehetasun horiek gabe ez litzateke gauza bera izango.