Udako koloreak

Urteko egunik luzeenen garaian gaude, eguzkiak bizkarra berotzen digun bitartean kilkerren soinua entzuten dugula. Zeruan hodeiak astiro mugitzen dira eta loreen usain poetikoak erritmoa pausatzera gonbidatzen gaitu. Udara. Urteko sasoirik gustukoena. Kolore biziak, itzal ilunak, horizonte infinituak… Garai bikaina naturaz gozatzeko, eta honek ematen dizkigun hamaika oparien artean loreak dira koroaren bitxiak. Fantasiazko forma eta kolorez hornituta daude, baina azkar ibili: haien edertasuna iragankorra izanik, udako haizea bezala, konturatu nahi duzunerako desagertu egingo dira.