Puntuzko txalekoa: moldakorra bezain estilotsua

Tradizioarekin, eskolako uniformearekin edota aitaita-amamen estiloarekin lotutako pieza izan zen orain urte asko. Hala ere, moda ziklikoa da, eta inoiz zaharkitutzat jo izan dena protagonista bihurtu da armairu modernoenetan. Gaur egun, puntuzko txalekoa berrasmatu egin da eta udazkenerako funtsezko jantzietako bat da, denboraldia markatzen duten osagaiak biltzen dituelako: geruzak, testurak, oinarrizkoak berrinterpretatzea, paleta beroa eta estilo-erraztasuna.

Pieza moldakorra

Geruzekin, ehundurekin eta bolumenekin jolasteko aukera ematen du, jaka lodia erabili beharrik gabe. Bat dator udazkeneko joera orokorrarekin, ehunduren nahasketan eta look-a lantzen duten geruzetan jartzen baitu arreta –ehunak, lodiera, bolumena–.

Egunero janzteko aproposa

Alkandora zuriekin edo kotoizko kamisetekin eta jeans zuriekin edo galtza zabalekin osatutako look-a da aproposa; gainera, zapatila zuriek edo botin baxuek ukitu eroso eta modernoa emango diote. Blazer baten azpian edo gainean jantz daiteke, eta ehundura-joko interesgarria sortu.