No Limits

Urtebete baino gehiagoko etenaldiaren ostean, disko berria argitaratuko du Bergarako No Limits! taldeak. Oholtzetatik kanpo egon arren, lanean ibili da boskotea, eta berriro kontzertuak emateko gogotsu daude.

Denbora batez kontzertuak eman gabe egon zarete, baina lanean ibili zarete?

Bai, noski! Urtebete baino gehiago egon gara agertoki gainera igo gabe, baina, bitartean, lanean jarraitu dugu entsegu-gelan. Urte luzea izan den arren, heldu da gure lana kaleratzeko ordua, eta, egia esan, oso gogotsu gaude egindakoa argitaratzeko eta jendeak gure lanaz gozatzeko.

Norantza aurkitu nahian diskoa kaleratuko duzue; aldatu egin da No Limits taldea aurreko lanetatik?

Bai. Sortu ditugun hitzak apur bat ilunagoak izan arren, musika aldetik ondo landuta daudela esango genuke, eta horri ere garrantzia eman diogu.

Nolakoa izan da lan hori sortzeko prozesua?

Prozesua nahiko luzea izan dela esan daiteke. Azkenean, denbora asko egon gara abesti horiek lantzen, eta, hainbeste denbora pasatu eta gero, zerbait berria grabatzea erabaki genuen. Prozesua luze samarra izan da, baina, azkenean, hemen dago, kaleratzeko prest!

Baduzue kontzerturik lotuta? Ezer aurreratzerik?

Bai. 2025era begira hainbat kontzertu lotu ditugu, dagoeneko batzuk argitaratuta daude; eta urtebete baino gehiago kontzertu bat jo gabe egon eta gero, oso gogotsu gaude. Beraz, adi egon, 2025a potente dator eta!