Nick Limböt taldea

Nick Linbött rock-and-roll taldeak hainbat abesti kaleratu ditu sortu zenetik. Orain, berriz, aurreneko lan luzea kaleratzea dute buruan taldeko kideek.

Nortzuek osatzen duzue taldea eta zer musika estilo jorratzen duzue?

Sei pertsonak osatzen dugu taldea: Rober, bateria-jolea; Peru, baxu-jolea; Jago, gitarra-jolea; Marina eta Ibai, saxofoi-joleak; eta Andoni, abeslaria. Rock-and-rolla jorratzen dugu; askotariko estiloez osatutako rock-and-rolla.

Abesti batzuk argitaratu dituzue; zer-nolako harrera izan dute?

Argitaratu ditugun hiru abestietatik, aurrenekoak, bideoklip batekin argitaratu genuenak, izan zuen harrera handiena. Hurrengo biak ere poliki-poliki badoaz harrera handiagoa izaten. Zaila da gure abestiek harrera potentea izatea, jorratzen dugun estiloa ez baita entzunena gure inguruan.

Diskoa kaleratzea ere baduzue esku artean?

Espero dugu disko berria irail inguruan kaleratzea, eta horren ostean, urritik aurrera, kontzertuak jotzen hasiko gara.

Zer asmo duzue 2024aren amaierarako? Kontzertuz beteta dator?

Urrian hasiko gara. Dagoeneko baditugu hainbat data lotuta, baina espero dugu kontzertu gehiago lotu ahal izatea urte amaierari begira.