Laztana laztana taldea

Eate aurkeztu zuen Laztana Laztana taldeak iazko urte amaieran, eta, aurreneko hilabeteak igarota, diskoak izan duen harrera “eskertzekoa” dela diote.

NNortzuek osatzen duzue taldea?

Laztana Laztana nire bakarkako proiektua da, baina ez nago ni bakarrik taldean. Karla eta Jorge dira musikariak eta bidelagun izan ditut proiektuaren hasieratik.

Zer musika estilo jorratzen duzue?

Musika elektronikoa ardatz izanda, beste estilo batzuekin fusioak sortzen ditut. Niri gustatzen zait esatea nire musika gustuko ditudan soinuen nahasketa propioa dela.

Eate argitaratu zenuten iazko urte amaieran, eta orain Arranopola!!! (oh my god) kaleratu duzue; zer-nolako harrera izan du taldeak hilabete hauetan?

Eate-k hainbat berri on ekarri dizkigu. Publikoak oso harrera ona eman dio proiektuari eta zuzenekoetan abesten eta dantzatzen dena eman du. Horrez gain, zenbait jaialditan finalistak izan gara eta pare bat sari irabazi ditugu. Orain, Arranopola!!!-rekin soinu helduagoa aurkezten ari gara eta entzuleek artistikoki hazten ari garela helarazi digute. Esker hitzak bakarrik ditugu!

Uda ate joka dugu dagoeneko; kontzertuz josita dator zuena?

Gustatuko litzaigukeena baino gutxiago! Zuzenekoetan asko disfrutatzen dugu, eta orain, bereziki, Gasteizko jaietan jotzeko prestatzen ari gara, abesti berriak aurkezteko. Gonbidatuta zaudete!