Iraunkortasuna modan
Iraunkortasuna joera soila izatetik modaren industrian premiazko aldagai izatera igaro da. Modaren aste handien azken edizioetan, hala nola Paris, Milan, New York eta Madrilgoan, ikusi dugu nola markek eta diseinatzaileek ekimen ekologikoak txertatu dituzten bildumetan: material birziklatuen erabilera, baina baita ekoizpen-prozesu arduratsuagoen ezarpena ere. Hala ere, zalantza bada oraindik: joera hori erreala da ala marketin-trikimailu bat besterik ez?
Karbono-aztarnaren inpaktua murriztu
Diseinatzaile askok oihal organikoak, birziklatuak edo ingurumen-inpaktu txikikoak erabiltzea erabakitzen dute, eta beste batzuek bildumak modu digitalean hedatzea erabakitzen dute, karbono-aztarnaren inpaktua murrizteko. Badira ere Green Carpet Challenge bezalako ekimenak, non markek praktika etiko eta jasangarriak erabiliz produktuak sortzeko konpromisoa hartzen duten. Ahots kritikoenek, hala ere, gardentasunik eza eta ekimen horien benetako eragina neurtzeko zailtasuna azpimarratzen dituzte.
Allianz Ego
Trinkotasunez jasangarritasunari eusten dion plataforma bat Allianz Ego da, Madrilgo Moda Astearen sortzaile berrien gunean parte hartzeko bete beharreko premisa hori baita, jasangarria izatea: upcycling eran, industriako soberakin bezala geratzen den materiala txertatuz sortze-prozesuan edo egutegiko sasoiei erreparatu gabe, era lokalean eta behar den tamainan ekoizten duen marka aurkeztuta.
Etorkizunerako pausoak
Berrikuntza izenburuaz batzuetan eta ingurumenarekiko benetako konpromisoa lerroburuarekin beste batzuetan, beti etorkizuneko pausoen gida eta funtsezko zutabe gisa ageri zaigu jasangarritasuna. Eta zuk, hartzen al duzu neurririk?
Xiringa-latex naturalaz egindako jaka.
Material hori Bolibia, Peru eta Brasilgo Amazonas eremutik ekarritakoa izan da.
3D teknikarekin sortutako bisera; materiala arto hartzitua da.
Material organiko eta konpostagarrien aldeko apustua areagotu egin da azkenaldian; diseinu originalen izaeran eragile ere izan da.